Foto: iStockfoto
Dei har levert kaffe og kaffemaskiner til små og store bedrifter i Bergensregionen i årevis. Men i seinare år har dei jobba med å gjere bærekraft til ei bærebjelke i forretningsstrategien. På basen i Valestrandsfossen på Osterøy skal den første produksjonen av østerssopp skje.
Kvart år i Noreg blir det importert meir enn 43 tusen tonn kaffe. I Bergen går mykje av den brukte kaffegruten i restavfallet. Men Det Bergenske Kaffeselskap ønskjer at meir av dette avfallet skal gå til å skape nye produkt og jordfornying.
Dei har derfor starta innhenting av kaffegrut frå sine største kundar. Først ut er Eviny (tidlegare BKK), Toro, KCA og Domstein Sjømat i Bergen. Dei ønskjer at kaffegruten skal bli til næring. Berre frå Eviny samlar dei inn cirka ti tonn grut i året!
Østerssopp er ein rasktveksande sopp som eignar seg godt til dyrking i kaffegrut. Årsaka er at mycelet, eller nettverket av soppsporer, greier å utnytte næringa i kaffegruten på ein god måte. Kaffegruten fungerer som substrat, altså planten sitt næringsgrunnlag, og blir iblanda soppmycel. Rein oppbevaring av gruten – og reint produksjonsmiljø – er viktig frå A til Å. Sjølve produksjonsmetoden har Det Bergenske Kaffeselskap lært hos selskapet Gruten AS i Oslo.
Lær meir om prosessen på dei to lenkene nedanfor!
